Amiirka Al shabaab oo amaanay beesha Mareexan,Xildhibaan Muqdisho lagu toogtay iyo Qaraxyo Burundi lala eegtay (Akhri Wararka maanta)
 -------------------------------------------------------------------------------------------

Ciidamo katirsan kuwa Burundi ayaa ku hoobtay qarax markale maanta lagula eegtay wadada Warshadaha ee magaalada Muqdisho.

Maanta gelinkii dambe ayay Miino laqaraxday ciidamo katirsan kuwa shisheeye ee xoogga ku jooga magaalada Muqdisho maalin kadib markii shalay qarax khasaara badan dhaliyay uu ka dhacay Muqdisho.

Saraakiil katirsan Xarakada Shabaabul Mujaahidiin ayaa SomaliMeMo u sheegay in Sedax Askari ku dhinteen qarax Miino oo galabta ka dhacay agagaarka EVECO halkaasi oo fariisin ku leeyihiin ciidamada Burundi.

Wararku waxay intaasi ku darayaan in dhaawac badan uu soo gaaray ciidanka cadawga ah, ciidanka Burundi ayaa layaaban sida ay mujaahidiinta ugu suuragashay in ay qarax ka fuliyaan meel ay ku suganyihiin iyaga iyo maleeshiyaadka Carra tuurka u ah.

Xildhibaan Muqdisho lagu dhaawacay iyo DKMG ah oo dhaxdeeda ismashiimeysa

Dhinaca kale maleeshiyaadka DKMG ah ayaa maanta toogasho ku dilay mid kamida Xildhibaanada DKMG ah xilli khilaaf xoogan soo kala dhaxgalay labada shariif oo ah madaxda ugu sareysa DKMG ah.

Goob joogayaal ayaa sheegay in maleeshiyo hubeysan ay rasaas ladhaceen gaari uu lasocday Xasan Nuur Albaro oo kamid ah taageerayaasha Shariif Xasan Sheekh Aadan gudoomiyihii baarlamanka ee xilka laga qaaday.

Xildhibaanka oo lahadlay warbaahinta ayaa sheegay in isaga si bareer ah loo beegsaday islamarkaana ladoonayay in lakhaarijiyo hantidiisana ladhaco.

Abuu Zubeyr oo Wareysigii 2-aad bixiyay.

Amiirka Xarakada Shabaabul Mujaahidiin ayaa caawa wareysigii labaad siiyay Wariye Jibriil Nuur oo katirsan Idaacadda Islaamiga An-andalus.

Wareysigan wuxuu amiirku uga hadlayaa arrimo badan oo ay kamid yihiin ragga ugu caansan saaxada Jihaadka ee shahiiday,Culimaa'usuuga iyo xariirka ka dhaxeeya Shabaabul Mujaahidiin iyo qabaa'ilada Soomaaliyeed.

Wuxuu Abuu Zubeyr si gaar ah u amaanay Beesha Mareexaan oo uu sheegay in waqti adag isbarbar taageen mujaahidiinta Soomaaliya isagoona kula dardaarmay Mareexaan in ay isbarbar taagaan.

Isha Warka: Somalimemo.net

Warbaahinta BakaaroNet
Muqdisho - Somalia


 

                           BakaaroNet © 2011 - All Rights Reserved.                        
 Contact us at: bakaaronet@hotmail.com