Warar sugan BakaaroNet.com

Wararkii Maanta,Sabti 21.1.2012 Halkaan ka Akhriso.
-------------------------------------------------------------------------------------------
Jaamacadda Muqdisho waa dhisme rayid ah, sanado ka hor ayuu ahaa goob waxbarasho oo ardaydu u doontaan aqoon balse duulaankii Itoobiya ka dib waa lagu kala haaday, wixii markaasi ka danbeeyay wuxuu ahaa dhisme haawanaya.

Taariikhda marna Jaamacaddaasi maaney fariisimo ciidan ka dhigan Mujaahidiinta Somaliya, hadane waxaan ka maqalnaa warbaahinada iyo cadowga oo sheegaya; dhismaha Jaamacadda Muqdisho oo ahaa saldhig weyn ayna kala wareegeen Mujaahidiinta!

Cadowga aan dagaalka kula jirno ee isugu jira dabadhilifyada iyo shisheeyaha waxey ka caagan yihiin xaqiiqada, iyagoona mar waliba ka been sheega dhacdooyinka, dhamaantood kama jawaabi karaan su'aasha dhaheysa; Jaamacadda Muqdisho ma wuxuu fariisimo u ahaa Ciidamada Mujaahidiinta?

Intaas ka dib Mujaahidiintu dagaalka iyagaa badalay qorshihiisa, waxeyna cadowgu ku socdaan khidadii loo dagay, iyagaa soo baxay iyaga ayuuna gaaray khasaaraha ugu badan, ugu danbeyntiina iyaga ayaa bixi doona.

Talafashin Caalami ah ayaa weydiiyay wariye ka joogo Muqdisho oo ka hadlayay dagaalladii shalay, waxaa la weydiiyay wariyaha; ma noo sheegi kartaa xeryaha la sheegayo in Al-Shabaab lagaga qabsaday Muqdisho?, wuxu wariyuhu ku jawaabay; ilaa hadda waxaan ognahay qubuuraha Barakaat iyo dhismo jaamacadeed in ciidamadu ay galeen, laakin waxaa wariyaha la sii weydiiyay dhisme jaamacadeed maahan xero ciidan mise Al-Shabaab ayaa deganaa..? jawaab wuu u waayay wariyahii..

Mar waliba waxey cadowgeenu sheegtaan guul been ah ka dibna xaqiiqada ayay soo taabtaan, xaqiiqada dagaalka Muqdishana waxaa ay cadaan doontaa maalmaha soo socda.

Somalimemo.net

Madaafiic aan wax khasaara ah geysan ayaa goordhaw ku dhacday duleedka deegaanka KM13 ee duleedka koonfureed magaalada Muqdisho.

Wariye katirsan AmiirNuur Media ayaa soo sheegay in laba madfac oo is xigxigay ay kusoo dhaceen meel ku dhaw Isbitaalka Macaane mana jirin wax dhibaata ah oo ay geysteen.

Madaafiicdan ayaa larumeysanyahay in ay soo rideen ciidamada Kufaarta Afrikaanta ee ku sugan kuliyadda Jaalle Siyaad ee magaalada Muqdisho.

Cadawga ayaa doonaya in ay Barakiciyaan shacabka Muslimiinta ee ku dhaqanka shareecada Islaamka hoos harsanaya ee Ceelsha iyo lafoole degan.

Al shabaab oo soo bandhigeysa dukumiintiyo

Xafiiska Warfaafinta XSHM ayaa saacadaha soo socda baahinaya Documentiyo sir ah oo lagasoo helay saraakiil katirsan dowlada KMG ah oo shalay dagaalkii Xamar lagu dilay.

Shabakadda Ijtimaaciga ee twitter-ka ayay XSHM ku baahin doontaa maadooyinka sirta ah, shalay dagaal ka dhacay duleedka magaalada Xamar ayaa lagu dilay Taliye Murtad Soomaali qurba joog ahaa oo ka barbar shaqeynayay kooxda Ridada labada shariif.

Mujaahidiinta Ashabaab ayaa astaan ka dhigtay istus oo Itaabsii halka Dowladda Shariif iyo gaaladeeda AMISOM ay caan ku yihiin been iyo dacaayado aan meel tegayn.

Documintiyada labaahin doono waxaa kamid ah Pasaport-ga Saciid Barre oo heystay dhalasho Ingiriis ah.

Sarkaal Mareykan ah oo Gaalkacyo lagu qafaashay

Kooxo hubeysan ayaa maanta duhurkii magaalada Gaalkacyo ku qafaashay nin ajnabi ah oo maalmihii lasoo dhaafay ku sugnaa gudaha Somaaliya.

Wararka nagasoo gaaraya Koonfurta Gaalkacyo ayaa sheegaya in xoogag hubeysan ay qafaasheen muwaadin udhashay dalka Mareykanka xilli uu isku dayayay in uu garoonka ka dhoofo.

Goob joogayaal ayaa soo sheegay in Rag hubeysan ay istaajiyeen gaari ay lasocdeen Muwaadinka Mareykanka ah iyo Nin India u dhashay waxayna ladegeen ruxii mareykanka ahaa.

Wararka ayaa intaasi ku daraya shaqaalaha ajaanibta ah ee Gaalkacyo lagu weeraray ay u shaqeynayeen shirkad ajnabi ah oo maalmihii lasoo dhaafay ka howlgelaysay magaalada Gaalkacyo.

Sheekh Fu'aad oo Muxaadaro qiimabadan jeediyay

Mas’uul sare oo katirsan Culimada Rabaaniyiinta ahna daaci mujaahid ah ALLAHA Xafidee Sheikh Fu’aad Max’med Khalaf ayaa jeediyay Kalimad Qiiro leh.

Sheikh Fu’aad ayaa Umadda Soomaaliyeed iyo muslimiinta oo dhan ujeediyay Muxaadaro dhaxalgal ah oo meel aysan taaban aan la arag.

Wadaadkan Mujaahidka ah ayaa ka hadalay darnaanta Mowdka iyo sida ay waajib noogu tahay in aan Cadaabka Alle waxa keenaya ka fogaano.

Ciddii aan Kalimadda Sheikh Fu’aad dhageysata ee Aan qiiroon ama aan ilmadu quban Waa qof Iimaankeedu daciif yahay ama Nifaaq ku jira.

Sheikha ayaa Cadaabka Aakhiro nooga digay naftiisana uga digay, sheikh fu’aad wuxuu dadka u Iftiimiyay wadada Alle nooga bad baadin karo Cadaabka.

Allaha Dhowree Jihaadka Somaaliya ka socda ayuu soo hadal qaaday isagoo yiri “ilaah waa naguuleynayaa gaalada waa jebinayaa waa in aan sabarnaa”.

Guji MP3 si Aad u Dhageysto Muxaadarada Sheikh Fu’aad

Somalimidnimo.com

Warbaahinta BakaaroNet
Muqdisho - Somalia